Президенттиң жаңаланған Виртуал қабыллаўханасы енгизиледи
Өзбекистан Республикасы Президентиниң жаңаланған Виртуал қабыллаўханасы енгизиледи. Ол халыққа онлайн мәсләҳат бериў бойынша қосымша имканиятқа ийе болады. Бул «Белсенди исбилерменлик, инновациялық идеялар ҳәм технологияларды қоллап-қуўатлаў жылы» мәмлекет бағдарламасы жойбарында нәзерде тутылған, деп
хабар бермекте kun.uz.
Атап өтилиўинше, бул бағдардағы тийисли әмелий ис-илажлар 2018-жыл 20-июньға шекем ислеп шығылады. Информация технологиялары министрлиги бул бойынша жуўаплы етип белгиленди.
Атап өтилиўинше, бунда Өзбекистан Республикасы Президентиниң жаңаланған Виртуал қабыллаўханасы дәстүрий тәмийнаты жетилистирилип, онда халыққа туўрыдан-туўры онлайн мәсләҳатлер бериў имканияты жаратылады.
