Pitkeriwshilerge planshet sawǵa etildi
Derek: Qaraqalpaqstan xabar agentligi
Усы жыл 22-май күни ТашПМИ Нөкис филиалында 2018-2019-оқыў жылы питкериўшилери ҳәм жумыс бериўшилер арасында ушырасыў өткерилди. Ушырасыў даўамында питкериўшилерге билим алған бағдарлары бойынша қалалық ҳәм районлық медицина бирлеспелерине жолламалар берилди. Сондай-ақ, айырым питкериўши студентлер өз жумысын шыпакерлер жетиспейтуғын республикамыздың ең алыс аймақларының бири Мойнақ районында баслаў тилегин билдирди. Бул басламаны филиал директоры, сенатор Орал Атаниязова ҳәр тәреплеме қоллап қуўатлап бундай ийгиликли басламаны баслаған 10 питкериўшиге планшет саўға етти. Өткен жылы филиалды питкерген 11 студент Мойнақ районына жиберилген.
