Nukus fm Нукус ФМ No'kis FM

Ped.institutta xalıq aralıq konferenciya bolıp ótti



Derek: Qaraqalpaqstan xabar agentligi
 
14-май күни Әжинияз атындағы Нөкис мәмлекетлик педагогикалық институтының мәжилислер залында «Шет тиллерин оқытыўда инновациялар: машқалалар ҳәм перспективалар» атамасындағы халықаралық илимий-әмелий конференция болып өтти.
Баянатшылар тәрепинен атап өтилгениндей, ҳәзирги ўақытта шет тиллери, әсиресе, инглис тилин үйрениў, оны оқытыўдың заманагөй усылларын өзлестириў үлкен әҳмийетке ийе болмақта. Өйткени, дүнья жүзилик илим тили сыпатында инглис тили алып қаралмақта. Президентимиздиң 2018-жыл 5-сентябрьдеги «Халық билимлендириў системасына басқарыўдың жаңа принциплерин енгизиў илажлары ҳаққында»ғы қарарына муўапық, улыўмалық орта билим бериўдиң жаңа мәмлекетлик билимлендириў стандартлары ҳәм оқыўлық бағдарламалары, соның ишинде, STEAM усылын жетилистириў ҳәм басқышпа-басқыш енгизиў бойынша әмелий жумыслар алып барылмақта. Бирақ, солай болса да оқытыўда алдынғы информациялық-коммуникациялық технологияларды қолланыўда айырым машқалалар да орын алмақта.
Конференцияда усы машқалаларды сапластырыў ҳәм алдағы ўақытларда шет тиллерин оқытыў бойынша жетилискен усылларды әмелиятқа енгизиў бойынша усыныслар билдирилди. Конференция секцияларда өз жумысын даўам еттирди.

 
    2019-05-15 16:30:53 |

Нөкис ФМ 100.4 каналында




Ҳаўа-райы



Миллий валюта көрсеткиши


Жоқарыға
Copyright © 2016-2018 Company Nukus Soft Engine