Нөкистеги үлкен кесилиспениң қурылысы февральда питеди
kruz.uz сайтының мәлим етиўинше, Нөкис қаласындағы үлкен, Төрткүл гүзәри менен «Қаракалпақстан» көшелерин бир-бири менен байланыстырыўшы кесилиспениң қурылыс жумыслары февраль айында жуўмақланады ҳәм пайдаланыўға тапсырылады. Мағлыўмат ушын, бул айланбаның қурылысы декабрь айында басланған еди.
Қурылыс жумысларына 1 млрд 248 млн 604 мың 690 сўм ажыратылған. Кесилиспе 6 жоллы болып, оған 6 светофор ҳәм 4 камера орнатылады, деп мәлим етеди Искандар Юсупов.
