Мектепке шекемги билимлендириў министрлигиниң баслығы тайынланды
Ташкент хабар технологиялары кәсип-өнер колледжи директоры, сенатор Агрепина Шин жаңа шөлкемлестирилген Мектепке шекемги билимлендириў министрлигиниң баслығы етип
тайынланды. Еслетип өтемиз, жаңа министрлик Президенттиң 30-сентябрьдеги «Мектепке шекемги билимлендириў министрлиги системасын басқарыўды түпкиликли жетилистириў ис-илажлары ҳаққында» ғы пәрманы ҳәмде «Өзбекистан Республикасы Мектепке шекемги билимлендириў министрлиги искерлигин шөлккемлестириў ҳаққында» ғы қарары менен шөлкемлестирилген еди. 19-октябрь күни Өзбекистан Президенти Шавкат Мирзиёев басшылығында мектепке шекемги билимлендириў системасын тереңнен жетилистириў мәселелери бойынша жыйналыс өткерилди.
Жаңа министрлик алдына мектепке шекемги билимлендириў тараўында бирден-бир мәмлекет сиясатын ислеп шығыў ҳәм әмелге асырыў, тәлим-тәрбия процесслерине заманагөй тәлим дәстүрлери ҳәм технологияларын жеткерип бериў арқалы балаларды ҳәр тәреплеме интеллектуал, руўхый-эстетикалық, физикалық раўажландырыў ҳәм оларды мектепке таярлаў сапасын тереңнен жақсылаў ўазыйпалары қойылған.
Фото: fb.com/agrippina.shin
