Nukus fm Нукус ФМ No'kis FM

Қарақалпақстан аймағына нызамсыз кирген 112 миллион сумлық өнимлер тоқтатып қалынды




Қарақалпақстан Республикасы бажыхана басқармасы Контрабанда ҳәм бажыхана нызамшылығы бузылыўына қарсы гүресиў бөлими хызметкерлери тәрепинен әмелге асырылған ис-илажлар нәтийжесинде республикамыз аймағына бажыхана рәсмийлестириўинен шетлеп, жасырын жоллар менен алып кирилген товар материаллық байлықлардың нызамсыз ҳәрекетине шек қойылды.
 Атап айытқанда, Төрткул районында өткерилген оператив илаж даўамында пуқаралар Г.Р. ҳәм Х.М.лар баҳасы 50 миллион сумға тең болған 7 түрдеги аўырлығы 771,2 килограмм болған теңиз өнимлеринен таярланған азық-аўқат өнимлери ҳәм 75,9 литр салқын ишимликлер мәмлекетимиз аймағында қайта сатыў мақсетинде алып киятырғанда усланды. Бул ҳаққында Өзбекстан Республикасы Мәмлекетлик бажыхана комитети хабар берди.
Сондай-ақ, пуқара У.Ф. баҳасы 4 миллион сумнан артық 151,5 литр салқын ишимликлерди, пуқара А.Ш. болса баҳасы 50 миллион сумнан көп болған аўырлығы 563,5 килограммға тең теңиз өнимлеринен таярланған азық-аўқат өнимлерин республикамыз аймағына жасырын түрде алып кирип атырғанда усланды.
Пуқара Д.М., Б.О., У.Ж. ҳәм А.Х.лар баҳасы 8 миллион сумнан артық болған жәми 30 литрға тең алкоголь өнимлерин, 63,84 килограмм қурма ҳәм 67,5 литр минерал суўларды нызамсыз алып кирип, алдыннан тил бириктирген шахсларға берип атырған ўақтында тоқтатылып қалынды.
Алып барылған илажлар ңәтийжесинде жәми 112 миллион сумлық товар-материяллық байлықлары айғақлық далил сыпатында алып қойылды.
Ҳәзирде бул ҳәдийселер бойынша бажыхана тексериўлери даўам етпекте.
 
 
Дерек: http://zaman.uz
    2019-03-14 12:40:59 |

Нөкис ФМ 100.4 каналында




Ҳаўа-райы



Миллий валюта көрсеткиши


Жоқарыға
Copyright © 2016-2018 Company Nukus Soft Engine