Дене тәрбия ҳәм спорт министри тайынланды
Өзбекстан Республикасы Дене тәрбия ҳәм спорт мәмлекетлик комитети енди Өзбекстан Республикасы Дене тәрбия ҳәм спорт министрлигине өзгертилди.
2017-жылдың февралынан Өзбекстан Республикасы Дене тәрбия ҳәм спорт мәмлекетлик комитети баслығы лаўазымында ислеп келген Рустам Қурбонов орнына Өзбекстан мәмлекетлик Дене тәрбия институтының алдынғы ректоры, мәмлекет футбол ассоциациясы вице-президенти Шоакрам Исроилов Өзбекстан Республикасы Дене тәрбия ҳәм спорт министри етип тайынланды, деп хабар бермекте uznews.uz.
Министрдиң биринши орынбасары сыпатында усы күнге шекем Миллий олимпия комитетиниң биринши вице-президенти лаўазымында ислеп келген Ойбек Касимов жумыс алып барады.
Өз нәўбетинде Өзбекстан Республикасы Дене тәрбия ҳәм спорт мәмлекетлик комитети баслығының биринши орынбасары сыпатында жумыс алып барған Искандар Жўраев Миллий олимпия комитетиниң биринши вице-президенти лаўазымына тайынланды.
