Европа тиклениў ҳәм раўажланыў банки 12 ай ишинде Өзбекистан 15 жойбарды қаржыландырады
Ташкент қаласында енди ўәкилханасын ашқан Европа тиклениў ҳәм раўажланыў банк келеси 12 ай ишинде мәмлекетте және 15 жойбарды әмелге асырыўын мәлим етти. Бул ҳаққында банктиң вице-президенти Филипп Беннет мәлим еткен.
Ҳәзирги ўақытта Өзбекистанда банк искерлиги қайтадан жолға қойылған болып, қысқа ўақыт ишинде улыўма қуны 125 миллион АҚШ долларына тең 4 кредит шәртнамасын дүзген. Арадан жети жыл мүддет өтип, банк ўәкиллери Өзбекистандағы жойбарларын қайтадан қаржыландырыўға карар еткен.
Беннеттиң айтыўына қарағанда, Орайлық Азия аймағы ушын ажыратқан қаржылар есабынан Өзбекистандағы жойбарларды қоллап-қуўатлаў ушын 1 миллиард АҚШ долларынан зыят кредит берилиўи режелестирилген.
