«Doslıq» kanalı boyına 40 shiye náli egildi
Нөкис қаласын көгалландырыўға арналған және бир жойбарға 8-март күни старт берилди. Бул жойбар Нөкис қаласы турғынлары тәрепинен қала климатын жақсылаўға қаратылған болып - «Мен бир мийўели терек» деп аталады. Өзбекстан Республикасы Президенти жанындағы Арал бойы Халықаралық инновациялық орайының қоллап-қуўатлаўы менен биргеликте исленип атырған бул жойбарда 2020 адам 2020 мийўели терек егеди. Бул жойбарды әмелге асырыўда белсене қатнасып атырған 40 қыздан ибарат белсендилер 8-март Халық аралық ҳаял-қызлар күни байрамында жақсы нийетлер менен «Дослық» каналы бойына 40 шийе нәлин отырғызып жойбарға старт берди.
2020 шийе нәлин отырғызыў усы жылдың 15-март күнине белгиленген. Нәллер Нөкис қаласының Аллаяр Досназаров көшеси, Ислам Каримов ҳәм Төрткүл гүзари бойларына егиледи.