“Bılǵarı top” dástúriy futbol jarısınıń Qaraqalpaqstan basqıshı bolıp ótti
Derek: jaslarawqami.uz
Usı jıldıń 14-15-avgust kúnleri Nókis qalası “Turan” stadionında máhálle jasları arasında “Bılǵarı top” dástúriy futbol jarısınıń Qaraqalpaqstan Respublikalıq basqıshı ótkerildi. Jarısta qala hám rayon basqıshlarında jeńimpaz bolǵan jámi 16 topar qatnastı.
250 den artıq jaslar qatnasıwındaǵı jarıstıń ekinshi kúninde jeńimpazlar anıqlandı. Jarıs juwmaǵında 1-orındı Taqıyatas rayonı, 2-orındı Qońırat rayonı hám 3-orındı Nókis rayonı jasları iyeledi.
Jeńimpazlıqtı qolǵa kirgizgen Taqıyatas rayonı jasları usı jıldıń 23-28-avgust kúnleri Tashkent qalasında ótiwi rejelestirilgen Respublikalıq final basqıshına qatnasadı.
