«Beynew – Aqjigit – Ózbekstan shegarası» xalıq aralıq avtomagistralı ashıldı
Derek: kknews.uz
17-июль күни «Бейнеў – Ақжигит – Өзбекстан шегарасы» халықаралық автомагистралының салтанатлы ашылыў мәресими болып өтти.
Президентимиз Шавкат Мирзиёевтиң тапсырмасына бола Өзбекстан Республикасының Бас министри Абдулла Арипов басшылығындағы делегация «Бейнеў – Ақжигит – Өзбекстан шегарасы» автомагистарлының салтанатлы ашылыў мәресиминде қатнасты.
Автомобиль жолының узынлығы 84 километрди қурайды. Усы жолды реконструкциялаў ҳәм оны Қарақалпақстан Республикасының Үстирт платосы арқалы өтетуғын халықаралық автомобиль жолы менен тутастырыў ушын 108 миллион АҚШ долларындағы қаржы қаратылды.
«Бейнеў – Ақжигит – Өзбекстан шегарасы» автомагистралы мәмлекетлеримиздиң экономикасының раўажланыўы ҳәм өз-ара товар алмасыў көлеминиң артыўына хызмет етеди. Өзбекстанның Қазақстан арқалы Арқа ҳәм арқа-батыс жөнелислер – Балтықбойы ҳәм Европа еллерине шығыўда, сондай-ақ, теңиз бойы мәмлекетлери менен байланысыўында үлкен әҳмийетке ийе.
