«Begjap»ta jaslar baǵı jaratıldı
Derek: shomanay.rk.uz
Жақсыдан бағ қалады, жаманнан дақ қалады деген даналарымыздан қалған гәп бар. Шоманайлы жасларымыздан және бир жаслар бағы «Бегжап» аўыл пуқаралар жыйыны аймағында 15 гектар жерге 6,5 мың түп мийўе нәллери егилип, Жаслар бағы жаратылды.
Усы жылдың 3-март күни Шоманайда Жаслар бағын жаратыўда өз үлеслерин қосыў мақсетинде Өзбекстан Республикасы Қорғаныў министриниӊ тәрбиялық ислери бойынша орынбасары, Өзбекстан Республикасы Миллий гвардиясы Қарақалпақстан Республикасы басқарма баслығы, Өзбекстан Республикасы Нураний қоры басқарыў Кеңесиниң орынбасары, Қарақалпақстан Республикасы Мәҳәлле ҳәм шаңарақты қоллап-қуўатлаў министри орынбасары, Арқа батыс әскерий округы әскерий хызметшилери ҳәм әскерлери келип районныӊ гүллениўи ҳәм көклемзарласыўына өз үлеслерин қосып, район жасларына ийинлес болып мийўе ӊәллерин отырғызды.
