Балаларды балалар бақшасына қабыл етиў тәртиби өзгерди
Министрлер Кабинетиниң 2018-жыл 28-марттағы қарары менен Балаларды мәмлекетлик мектепке шекемги билимлендириў мәкемелерине қабыл етиў бойынша мәмлекетлик хызметлер көрсетиўдиң ҳәкимшилик регламенти тастыйықланды.
Усы ҳүжжет балаларды мәмлекетлик мектепке шекемги билимлендириў мәкемелерине қабыл етиў тараўындағы машқалалардан келип шығып қабыл етилди ҳәм өз нәўбетинде халқымыз ушын усы тараўда жеңилликлерди жаратты.
Соның ишинде, бурын балаларды бақшаға қабыл етиў бойынша мүрәжатлар тек ғана пуқараның өзи келген жағдайда ҳәптениң сийшемби ҳәм жума күнлери қабыл етилген болса, жаңа тәртипке тийкар пуқара бул мәселедеги мүрәжатларды мәмлекетлик хызметлер орайына ҳәптениң қәлеген жумыс күни өзи барған ҳалда тапсырыўы ямаса Бирден-бир интерактив мәмлекетлик хызметлер порталы арқалы ҳәр күни, сондай-ақ онлайн режимде тапсырыў имкәниятына ийе болды. Дерек: Әдиллик министрлигиниң Телеграмдағы каналы.