Aymaqlarda jabıq muz maydanlar qurıladı
Derek: @huqiqiymalimleme
“Қысқы спорт түрлерин раўажландырыў ис-илажлары ҳаққында”ғы Президент қарары қабыл етилди.
Қарар менен қысқы спорт түрлерин раўажландырыў ҳәм ғалабаластырыў, Өзбекстан спортшыларын халықаралық спорт жарысларында мүнәсип қатнасын тәмийинлеў мақсетинде Өзбекстанда қысқы спорт түрлерин 2020-2023-жылларда раўажландырыў бағдарламасы тастыйықланды.
2020-2023-жылларда мәмлекетлик-жеке шерикшилик шәртлери тийкарында аймақларда жеңил конструкциялы жабық муз қапламалы майданлар қурылады.
Қарарға муўапық, Өзбекстан мәмлекетлик дене тәрбия ҳәм спорт университетиниң бакалавриат билимлендириў бағдарына 2020/2021-оқыў жылы ушын ажыратылған қабыллаў параметрлерин бағдарлар бойынша бөлистириўде қысқы спорт түрлери ушын орын ажыратылады ҳәм сыртқы спорт түрлери кафедрасы шөлкемлестириледи.