Nukus fm Нукус ФМ No'kis FM

Абитуриентлер 2019-жылдан баслап ҳүжжетлер Мәмлекетлик хызметлер орайына тапсырады



2019-жылдан баслап барлық жоқары оқыў орынларына оқыўға кириў ушын ҳүжжет тапсырыў Мәмлекетлик хызметлер орайлары арқалы әмелге асырылады. Бул ҳаққында Өзбекстан Республикасы Президентиниң тийисли пәрманында белгилеп берилген, деп жазады Қарақалпақстан хабар агентлиги.
Мәмлекетлик хызметлер агентлигиниң хабарлаўынша, ҳәзирги ўақытта агентлик тәрепинен ўәкилликли министрлик және ведомостволар менен бирге ҳүкиметтиң тийисли қарар жойбары ислеп шығылыўы менен бирге зәрүрли илажлар да көрип барылмақта.
Жоқары оқыў орынларына оқыўға кириў ушын ҳүжжет тапсырыў бойынша мәмлекетлик хызметин районлардағы Мәмлекетлик хызметлер орайлары арқалы әмелге асырылыўы абитуриентлерге Ташкент қаласындағы ҳәм республиканың қәлеген аймағында жайласқан жоқары оқыў орнына өзиниң районынан шықпай турып ҳүжжет тапсырыў, сондай-ақ, онлайн тәризде Бирден-бир интерактив мәмлекетлик хызметлер порталы арқалы ҳүжжет тапсырыў имканиятын жаратады.
 
    2019-02-11 12:09:18 |

Нөкис ФМ 100.4 каналында




Ҳаўа-райы



Миллий валюта көрсеткиши


Жоқарыға
Copyright © 2016-2018 Company Nukus Soft Engine